Ndoshta ekziston një përshtypje e përhapur se Rama dhe Berisha nuk shkojnë mirë me njëri-tjetrin.
Por ky mund të rezultojë një pretendim mjaft i gabuar.
Në fakt, Rama e ka shprehur disa herë hapur në publik kohët e fundit simpatinë e tij për Berishën, madje në njërin rast, duke e veçuar nga të tjerët dhe duke e cilësuar si “hero”.
Po, nuk është shaka, por plotësisht e vërtetë.
Sepse kryeministri kohët e fundit e ka theksuar në mënyrë të veçantë simpatinë për portierin e kombëtares shqiptare Ertrit Berisha.
Një gjë e tillë u vu re së fundmi edhe gjatë fetsës së kombëtare së zhvilluar dje në Pallatin e Brigadave në Tiranë, ku Rama u shfaq me dorën në qafë ndaj “gardianit” të Lacios.
Rama mund të ketë mosmarrëveshje dhe armiqësi me ish-kryeministrion Sali Berisha, por kjo nuk e ndalon atë që të ketë miqësi me Berishët e tjerë.
