Një nga deklaratat më të forta të një dite më parë, e ‘mbytur’ për shkak të zhurmës që po bëhet për reformën në drejtësi, ishte ajo e ministrit të Drejtësisë, Ylli Manjani.
Në një takim me prokurorët, ai u kërkoi atyre që të dërgojnë në gjykatë dosjet e ministrave.
E përditshmja “Sot”, shkruan se ‘këmbanat po bien për ministrin e Shëndetësisë, Ilir Beqja dhe atë të Energjisë, Damian Gjiknuri’.
Por a ishte një sinjal indirekt i LSI-së për PS-në, në këtë luftë nervash për reformën në drejtësi, sidomos kur thuhet se kryeprokurori Adriatik Llalla do largohet me miratimin e reformës?
Ndërkohë që portalet ziejnë nga spekulimet, Spartak Ngjela thotë se Adriatik Llalla është njeriu më i errët në Shqipëri.
“Ai është mbrojtësi i krimit shtetëror, por nuk ka shpresë të shpëtojë nga shkarimi i tij. Është pika, e cila vjen dhe diskrediton përfundimisht edhe Presidentin e Republikës, i cili thuhej se kishte kërkuar shkarkimin e tij prej kohësh. Bashkimi Berisha-Llalla-Nishani dhe Meta është targeti i prosporitetit shqiptar,” tha Ngjela për “Sot”.
Ngjela shprehet se politikanët me dosje duhet të shkojnë vetë në burg, pasi janë shënjestruar nga amerikanët.