Kryeministri Edi Rama ishte në qendër të kritikave këto dy ditë për shkak të 21 Janarit.
Ai postoi një foto duke bërë homazhe në vendin ku u vranë katër persona, por komentuesit e kishin mendjen tek inicialet E.R. tek këmisha e kryeministrit.
Jo vetëm kaq, por ata kishin pikasur edhe thonjtë e paprerë.
“Mirë ti, po stafi që merret me pamjen tënde nuk të thotë një lalf për ata thonjtë,” i thotë një komentues.
Lapsi.al shkon më larg, kur kujton shprehjen e ish-kryeministrit Fatos Nano se “Ramën e mora me thonj të paprerë nga Parisi dhe e bëra kryeministër”.