Pasi bolshevikët arritën të përmbysnin Carin dhe të mernin pushtetin, u bë e famshme shprehja e poetit rus Majakovski “Kur themi Lenini, kemi thene partia dhe kur themi partia kemi thene Lenini”.
Më 1934-n, Rudolf Hess dhe partia naziste që kishte kopjuar shumë në formë dhe përmbajtje nga versioni i partisë bolshevike, do të thoshte përpara një mase të ndezur “Hilter ist die partei, die parte ist Hitler”.
Në 2016-n, Taulant Balla, do të shprehej nga Elbasani se “qytetaret shqiptare kane nje kontrate 4 vjecare me Edi Ramen Kryeminister. Dhe kete kontrate e kane me Edi Ramen dhe me askend tjeter”, sepse sipas kësaj logjike “Edi Rama është partia dhe partia është Edi Rama”.
Kryetari i PS-së vajti sot në Elbasan dhe u prit si hero nga baza socialiste, edhe pse po përpiqet të shmangë garën me rivalin e tij Ben Blushi.
Ndërkohë, ky i fundit që po kërkon respektimin e stautit të partisë u prit me këmbët e para nga militantët.
Për fat të keq, 25 vjetë pas rënies së komunizmit, populli shqiptar vazhdon të adhurojë prirjet totalitare dhe të përbuzë ato demokratike.
Ky do të jetë realiteti që do të gjejë sekretari Amerikan i Shtetit, John Kerry, gjatë vizitës së tij të nesërme në Tiranë.
