Është kthyer thuajse në një teatër komedie Kongresi maratonë i Partisë Socialiste.
Mund të përmblidhet me pak pasazhe.
Ben Blushi kërkoi votimin sipas statutit të vjetër për kryetarin, ku ai të garonte me Edi Ramën.
Më pas Kongresi miratoi statutin e ri.
Edi Rama, pas miratimit të statutit të ri, kërkoi një referenum për të.
Gramoz Ruçi si kryetar i Asamblesë Kombëtare të PS e përkrahu këtë ide.
Por një gjë të tillë e kundërshtoi Fatmir Xhafaj, i cili tha se statuti i ri i miratuar nuk e parashikon referendumin për kryetarin.
Xhafaj votoi kundër kësaj nisme.
Sidoqoftë shumica e Asamblesë votoi pro kërkesës për referendum dhe tani është në proces votimi data 9 prill e propozuar nga Gramoz Ruçi për referendumin, edhe pse në votim nuk është e qartë se cila është pyetja e referendumit.
Këtë e theksoi edhe Ben Blushii, i cili e quajti absurde që votohet parimisht për një referendum pa pyetje.
Vetë Rama i pyetur se cila është pyetja e referendumit, tha: “Nese duhet te kete apo jo zgjedhje per kryetarin e Partise”.
“Është referendumi i parë në botë që bëhet pa një pyetje. Edi Rama vendosi të garojë përballë vetes dhe e konsideroi veten çështje. I pari njeri në botë që u kthye në pikëpyetje sonte”, u shpreh Blushi pas vendimit të Kongresit për referendum më 9 Prill. Është një mënyrë amatore, por e qëllimtë për ta kthyer partinë në një trup amorfe, ua them që referendumet nuk mund të zëvendësojnë zgjedhjet. Ky referendum nuk mund t’i japi fuqi një njeriu” – Tha Blushi.