Ish-kryeministri Sali Berisha e quajti të turpshëm ndalimin e një piloti gjerman, i cili u mbajt nga policia me pretendimin se kishte shqetësuar kryeministrin Edi Rama duke fluturuar me helikopter.
“Dje u arrestua ne Rinas, pasi u kthyen nga fluturimi ne Greqi, Korfuz, piloti gjerman i nje helikopteri taksi te nje kompanie te liçensuar private. Shkaku i arrestimit te pilotit gjerman ne Rinas, menjehere pas kthimit nga udhetimi ne Korfuz, doli se ishte urdheri i Edi Rames sepse piloti ne zbatim te kursit te percaktuar nga kontrolli ajror i vendit kishte fluturuar mbi det, ndonese ne lartesi, mbi jahtin me te cilin po shetiste Rama. Rama ishte tmerruar dhe e kishte marre fluturimin mbi jaht si nje akt te qellimshem. Madje per nje moment ai mendoi, si ne rastin e Reformatos se tij, se kete helikopter e ka derguar te fluturoje mbi koken tij Berisha.
Natyrisht “çunat e krimit” qe arrestuan pilotin gjerman nuk i thane atij se na e tmerrove Edvinin por i thane se e arrestonin ne emer te Edvinit pasi ka shqetesuar shume me fluturimin e tij mbi zonen ku pushonte Edi Rama!!
Ky eshte nje akt i turpshem, i denueshem ku njerezit ndalohen apo arrestohen jo per shkak te ligjit por gjendjes psiqike te kryepolicit te vendit!!” tha Berisha.