Vetëm pak pasi dy liderët kryesore në vend shkëmbyen letra, duke i premtuar njëri-tjetrit takim, erdhi edhe vendimi.
Sali Berisha u përjashtua për dhjetë ditë nga Kuvendi.
Ishte një sinjal se opozita do të bojkotonte sërish Kuvendin dhe në këtë mënyrë një takim i mundshëm mes Edi Ramës dhe Lulzim Bashës nuk do mundësohej.
Mëngjesin e së shtunës, opozita vendosi zyrtarisht që të bojkotojë dhjetë ditë Kuvendin, aq sa është dënimi i Sali Berishës.
Ndërkohë në një status në FB, Lulzim Basha paralajmëroi edhe dështimin e tryezës me Ramën.
“Kjo nuk behet për t’i mbyllur gojën opozitës, sepse kanë dështuar në mënyrë të përsëritur me këto metoda byroiste.
Kjo është manovër e Edi Ramës dhe Ilir Metës për t’i mbyllur derën opozitës. Për t’i mbyllur derën në parlament, në tryezat ku ajo duhet të jetë e pranishme,” shkruan Basha në FB.