Për Lëvizjen Socialiste për Integrim, dyshimi për përgjimin e ministrit të Brendshëm, Saimir Tahiri është shumë i rëndë dhe si i tillë kërkon një hetim serioz, madje edhe me ndihmën e ndërkombëtarëve.
“Bërja transparencë e plotë, e zbardhjes së kësaj çështjeje dhe zbardhja e përgjegjësive pa hezitim për këdo, do të ishte përgjigjia e vetme dhe më e mirë për problemin. Duhet të jetë një hetim i cili do të zbulojë dhe do të zbardhë përgjegjësitë e gjithësecilit në një çështje të tillë, kaq serioze, pa dalluar askënd, qoftë ky ministër, zv.ministër, specialist i thjeshtë apo punonjës shërbimi, pavarësisht nga përkatësia politike që mund të ketë qoftë ky person politik apo person teknik”, deklaroi Vasili.
Insinuata e numrit dy të LSI-së është në pergjigje të informacioneve të pakonfirmuara, për një konflikt mes ministrit Tahiri dhe zëvendësit të tij të ri, Ilir Marko, i propozuar nga partia e Ilir Metës.
Ndërkohë për Ilir Metën vjen një kërkese shumë e veçantë në rrjet.
“Dua të pyes publikisht Ilir Metën: Pozitën e ke, paratë i ke, famën e ke, dashurinë e skrapallinjve(dhe jo vetëm e ke).. po pse dreqin nuk e nxjer atë video të ministrit të Ramës.. që dhe ne si popull të kemi diçka me ça të merremi?!”, shkruana me sarkazëm “Lolita” në Fb.