Edhe pse ishte seancë e jashtëzakonshme, pas të sotmes në fakt, pritet që me muajin e shtatorit Kuvendi të nisë punimet e tij normale për të vijuar me miratimin e ligjeve të rëndësishme për reformën në drejtësi.
Në hyrje deputetët duken elegantë dhe shik si gjithnjë.
Spikat me veshjen e saj deputetja demokrate Jorida Tabaku, e bukur, verore, me stil, elegancë dhe klas.
Brenda sallës u panë disa afrimitete dhe konfirmime aleancash.
Edi Rama më në fund shtrëngoi duart i qetë dhe i kënaqur përpara të gjithëve me Ilir Metën.
Shumë deputetë të tjerë u përqafuan e u puthën pasi kishin rreth dy javë pa u parë.
Ra në sy shoqëria e deputetit socialist Artan Gaçi me atë demokrate Majlinda Bregu.
Pasi doli publikisht pro-reformës në drejtësi, madje përpara partisë së saj, ish-ministrja e Integrimit po gjen gjithnjë e më tepër miq në radhët e mazhorancës./Mapo.al