Këtë mbrëmje në stadiumin “Loro Boriçi” në Shkodër luhet ndeshja miqësore Shqipëri-Marok. Kjo ndeshje është inauguruese për stadiumin e Shkodrës, tërësisht i ri, i ndërtuar si një projekt prej 15 milionë eurosh.
Projekti kishte nevojë edhe për disa shpronësime pranë tij për shkak të hapësirës që kërkohej dhe në këtë proces u përfshi Bashkia e Shkodrës dhe qeveria.
Ndërkohë, kryeministri Rama, i ndodhur në Shkodër për të ndjekur ndeshjen miqësore ka debatuar me tone të larta me kryebashkiaken Voltana Ademi për çështjen e shpronësimeve të ndërtimeve pranë stadiumit.
Kryeministri mësohet se i ka thënë kryebashkiakes: “Nuk do të marrësh asnjë kokërr leku nga qeveria, pa prishur më parë shtëpitë rreth stadiumit”.