Pas Ben Blushit, edhe deputetja Mimoza Hafizi ka deklaruar dorëheqjen nga Partia Socialiste. Largimi i Hafizit nga PS është zyrtarizuar ditën e sotme, kur ajo dhe deputeti Ben Blushi kanë zhvilluar rreth orës 17:00 një mbledhje me simpatizantë për krijimin e partisë së re që do të krijojnë.
Partia e re do të drejtohet nga Ben Blushi, i cili konfirmoi zyrtarisht në mbledhje krijimin e një force të re politike.
Partia e re e themeluar nga Blushi dhe Hafizi do të jetë parti e qendrës.
Më herët deputetja hafizi kishte deklaruar se “ajo nuk ishte më pjesë e PS-së dhe se tashmë i përkiste një formacioni tjetër politik”. Sipas burimeve nga grupimi i ri politik, partia e re që do të drejtohet nga Blushi, do të zyrtarizohet më 10 nëntor.
Kështu ka bërë të ditur deputeti Ben Blushi gjatë takimit të sotëm me qytetarë në Muzeun Kombëtar.