Nuk do të përbënte lajm po të kishte qenë ndonjë aktivitet partiak me militantët e PS.
Por takimi i dy ditëve më parë i Edi Ramës në Vlorë, në prani edhe të Prokurorit të Përgjithshëm Adriatik Llalla, për të diskutuar lidhur me problemet e dosjeve të pronave, shënoi një mungesë që ra në sy.
Duke qenë se me këtë problematikë është e interesuar direkte Hipoteka dhe ministria e Drejtësisë, ra në sy fakti se mungonin në takim si Drejtori i Përgjithshëm i Hipotekave, ashtu edhe ministri i Drejtësisë Nasip Naço.
Nuk dihet cilat janë arsyet e këtyre mungesave.
Por është fakt, se në një takim kaq të rëndësishëm dhe të nivelit të lartë, LSI për herë të parë e ka bojkotuar Ramën, duke shkuar kështu përtej ftohjes së thjeshtë.