Nga Mentor Kikia
Vetëm një ditë, ose më saktë gjysmë dite, u morën vesh opozita dhe mazhoranca dhe mbyllën dhjetë pika të reformës në drejtësi.
Me këto ritme e kishin përfunduar këtë javë dhe të enjten edhe mund ta votonin.
Po pastaj me se do të merreshin?
Kështuqë i thirrën mendjes dhe ja, u kacafytën prapë.
U zunë për parkun dhe tani reforma në djall…
Ka qenë një skeç në kohën e komunizmit: Një punëtor i mirëmbajtjes së rrugëve i binte një guri me vare, sa e çukiste në fakt.
E qëllonte kështu, 3-4 herë, e ulej të ndizte një duhan.
Por një burrë që priste për makinë në rrugë, mendoi ta ndihmonte dhe mori varrenë e ra gurit, duke e bërë copë-copë.
-Ç’pate- i tha punëtori, pse e theve.
-Po a nuk doje ta thyeje?
– Po ç’të duhet ty mor vëlla, unë do shtyja javën me atë.