Partia Demokratike ka vendosur sot të rikthehet në Kuvend dhe në punimet e komisioneve parlamentare, duke i dhënë fund kështu bojkotit 10-ditor.
Vendimi është marrë në mbledhjen e Grupit Parlamentar të PD-së, të mbledhur sot paradite.
PD-ja i bojkotoi për 10 ditë punimet e Kuvendit, në shenjë proteste ndaj përjashtimit të ish-kryeministrit Sali Berisha me vendim të Byrosë Parlamentare, pas deklaratës së bërë prej tij në parlament për armatosjen e popullatës.