Nga Korça, kryeministri Edi Rama ka postuar një seri me foto ku duket se si do jetë projekti për të parin Qytet të Fëmijëve në Shqipëri.
“Ngrehina e braktisur në rrugën e rrënimit që prej vitit 1989 në Korçë, po transformohet në “Qytetin e Fëmijëve” (pjesë e Parkut të Ri Olimpik të qytetit që do të ndërtohet deri në fund të pranverës së ardhshme) , modeli i parë i një qendre që i kushtohet posaçërisht edukimit, nxitjes së talentit, aktivizmit, ndjenjës komunitare, përmes argetimit të fëmijëve. Ky model i ri komunitar do të shtrihet në qytete të tjera të vendit, përmes bashkëpunimit Qeveri – Bashki dhe mbështetjes edhe nga Programi Kombëtar i Rilindjes Urban”, shkruan Rama.