Mazhoranca miratoi me 74 vota pro rishikimin e buxhetit, por ajo që ra në sy ishte se asnjë deputet i LSI nuk u përfshi në diskutimet e seancës maratonë.
Edhe pse në fillim të seancës ishte një listë me 34 deputetë që kishin kërkuar fjalën, asnjë ligjvënës i LSI nuk ishte mes tyre.
LSI dhe kreu i saj e kanë kritikuar disa herë qeverinë për gjendjen ekonomike të vendit.
Shkurtimi i buxhetit është një sinjal i keq për investimet dhe ekonominë.
Ndërkohë në seancën e djeshme mungonin edhe Ben Blushi, Fidel Ylli, Monika Kryemadhi, Petrit Vasili, por edhe Tom Doshi.