“Një pakicë e papërgjegjshme, nuk vë dot përfund shumicën që do hapësirë e ligj. #Bashke, nga pak çdo ditë. #BashkiaTirane”, – shkruante kryetari i bashkisë së Tiranës Erion veliaj në profilin e tij në Facebook.
Aksioni për çlirimin e hapësirave publike në Tiranë nisi nga njësia numër 5, ku fillimisht u boshatis tregu famëkeq i makinave, që kishte zaptuar një shesh të tërë publik përballë stadiumit “Selam Stermasi”.
Ndërkohë që ky stadium po vazhdon gjithashtu rikonstruksionin, nuk dihet se çdo të bëhet me një restorant tërësisht abuziv në hyrje të tij, që i shëmton pamjen stadiumit dhe që vazhdon të mbretërojë i paprekur si një kërpudhë helmuese, edhe pse ka kohë që rri me duar të mbyllura.
Sidoqoftë, aksioni ka vijuar me shkatërrimin e strukrturave të lehta metalike apo në beton që qytetarë të ndryshëm kishin vendosur në mënyrë abuzive në bizneset apo banesat e tyre.
Gjithashtu vijon edhe lirimi i trotuarëve nga karriget e lokaleve.
Fotot flasin vetë.
